Keane: Do të shënoj edhe shumë gola

Robbie Keane është i kënaqur nga forma e tij dhe thotë se mund të presim edhe shumë gola të tjerë nga ai.Keane,
i cili pati shumë kritika negative për formën e tij dhe numrin e paktë
të golave, me dy golat e djeshëm ishte më meritori për fitoren e
Liverpoolit ndaj Boltonit.

“Nuk duhet të shqetësohemi për të tjerët, duhet të koncentrohemi në
lojën tonë. Djelmoshat luajtën shkëlqyeshëm. Nuk mbaj mend nëse Boltoni
dërgoi ndonjë goditje në drejtim të golit tonë”, ka thënë Keane.

“Nëse vazhdoj të luaj dhe ta bëj këtë mirë, e di se do të arrij edhe
gola. Nuk duhet të shqetësohem se çfarë thonë njerëzit. Duhet të jeni
mjaft të fuqishëm t’i duroni kritikat të cilat arrijnë”, ka shtuar
irlandezi.