Milan: Nuk jemi të interesuar për Cannavaron

Zëvendëspresidenti i Milanit, Adriano Galliani, ka mohuar
spekulimet kinse Rossonerët dëshirojnë ta transferojnë në janar
mbrojtësin italian të Real Madridit, Fabio Cannavaro.Në
mesjave “Corriere dello Sport” kishte shkruar se madrilenët nuk
dëshirojnë t’ia vazhdojnë kontratën Cannavaros (e cila përfundon në
verë), ndërsa Milani është i gatshëm të ndërhyjë që në janar për ta
transferuar atë në San Siro.

“Cannavaro në janar? Nuk ka asgjë të vërtetë në këto spekulime. Ne
tashmë kemi arritur marrëveshje me një qendërmbrojtës, i cili do të na
bashkëngjitet në korrik, dhe ai është Thiago Silva”.

“Ne jemi duke kërkuar një mbrojtës krahu ose një mesfushorë defanziv,
por nuk është e vërtetë që e dëshirojmë Cannavaron. Nëse nuk mund të
gjejmë një të tillë, atëherë do të vazhdojmë me këta lojtarë që kemi”,
ka përfunduar Galliani.